"Чишмә" үзәгендә яңа технологияләр кулланалар
Хәзерге вакытта Теләче муниципаль районы "Родник" халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлегендә социаль көнкүреш хезмәте күрсәтү буенча 160 өлкән яшьтәге гражданнарга 22 социаль хезмәткәр хезмәт күрсәтә.
Социаль хезмәткәр өлкән яшьтәге гражданнарга социаль көнкүреш хезмәтләре күрсәтүне сыйфатлырак итү өчен үз эшләрендә яңа технологияләр куллана. Кайбер технологияләр өлкән яшьтәге гражданнарга шулкадәр ошый ки, өлкәннәр әлеге технологияләрне көндәлек куллана башлый.
Шундый технологияләрнең берсе "Тылсымлы йомгак". Өйдә социаль хезмәт күрсәтү бүлегендә "Тылсымлы йомгак" технологиясе социаль хезмәткәрләр белән 2018 елның 1 ярты еллыгында актив рәвештә кертелә башлады. Өйдә социаль хезмәт күрсәтү бүлегенең өлкән яшьтәге барлык гражданнарына да бу технология күңелләренә хуш килде. Чөнки бәйләү кул эше башка төрләр алдында гаять зур өстенлеккә ия, сәнгать иҗатының бу төре һәрвакыт актуаль.
Ул матурлыкны тудырып кына калмый, шушы тырыш хезмәт нәтиҗәләрен күрүчеләргә дә, аларны тормышка ашырырга, яңа каршылыкларны җиңәргә, мавыгырга, сәләтләрен үстерергә ярдәм итүчеләргә дә ләззәт бирә. Кул эшләре белән шөгыльләнү терапевтик йогынты ясый: үз кичерешләреннән дәваланырга мөмкинлек бирә, тынычландыра, уй-фикерләрне һәм хисләрне тәртипкә китерә, нерв киеренкелеген төшерә, шулай ук кул моторикасын үстерә.