14- 19 май көннәрендә социаль-мәдәни инициативалар Фонды ярдәмендә СПИД корбаннарын искә алу көненә багышланган чираттагы "Тукта ВИЧ/СПИД" Бөтенроссия акциясе уза.
Әлеге акция кысаларында, 17 нче майда, Әлмәт шәһәренең халыкны эш белән тәэмин итү үзәге хезмәткәрләре, шулай ук эшсез гражданнар арасында ВИЧ һәм үз-үзеңне тоту куркынычсызлыгын профилактикалау буенча лекция узды. Әлмәт СПИД-үзәгенең методик –оештыру бүлеге мөдире Елена Фролова ВИЧ - инфекцияләргә каршы профилактика һәм көрәшү алымнары турында сөйләде. Лекциягә 56 кеше килде.
Шулай ук бу көнне хезмәткәрләр, эшсез гражданнар, шулай ук теләгән барлык кешеләргә ВИЧ – инфекциягә түләүсез аноним медицина экспресс-тесты үткәрелде. Әлмәт СПИД-үзәге хезмәткәрләре ВИЧ - инфекцияләрне профилактикалау буенча белешмәлекләр тапшырдылар.