28.11.2013
ТАТАРСТАН РЕСПУБЛИКАСЫ ХЕЗМӘТ, ХАЛЫКНЫ ЭШ БЕЛӘН ТӘЭМИН ИТҮ ҺӘМ СОЦИАЛЬ ЯКЛАУ МИНИСТРЛЫГЫ
ПРЕСС-РЕЛИЗ
|
Үткәрү урыны: |
Казан шәһәре, Г.Камал исемендәге Татар дәүләт академия театры |
|
Үткәрү вакыты: |
28 ноябрь. Башлана 13.00 сәгатьтә. |
|
Чараның исеме: |
Аналар көненә багышланган «Букет для мамы» - «Әниемә чәчәк бәйләме» республика акциясе |
28 ноябрь көнне Г.Камал исемендәге Татар дәүләт академия театрында Аналар көненә багышланган «Букет для мамы» - «Әниемә чәчәк бәйләме» республика акциясе узачак. Бу көнне республикабызда яшәүче 400 дән артык ананы тантаналы чарага дәшәчәкләр.
Быелгы тамашаның үзенчәлеге шунда – башка еллардан аермалы буларак бәйрәмгә республиканың барлык шәһәр һәм районнарыннан күп балалы аналар династияләре чакырылган.
Фойеда исә кунаклар өчен Татарстанның социаль тәэмин итү учреждениеләрендә тәрбияләнүче балалар тарафыннан ясалган кул эшләре күргәзмәсе оештырыла.
Иң мөһиме – бәйрәм барышында биш һәм аннан күбрәк бала табып, аларга үрнәк тәрбия биргән, шул ук вакытта бердән дә ким булмаган балигъ булмаган бала үстерүче аналарны “Ана даны” медале белән бүләкләү уздырылачак.
Әлеге тантаналы чарада ТР Дәүләт Советы рәисе Ф.Х.Мөхәммәтшин катнашыр дип көтелә.
Бәйрәм барышында күңелле шоу күрсәтеләчәк – сәхнәдә атаклы җырчылар белән бергә балаларның бию һәм вокал коллективлары чыгышын да күзәтергә мөмкин булачак.
Бәйрәм 13.00 сәгатьтә башлана.
Тулы текстны карарга
артка