«Дусым» ҖЧҖ хезмәт хакы буенча 1,3 млн сумнан артык бурычын түләде
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
Республика халкының тормыш дәрәҗәсен күтәрү, хезмәт, чит ил хезмәткәрләрен җәлеп итү ведомствоара комиссиясе һәм республиканың социаль-хезмәт мөнәсәбәтләрен көйләү комиссиясе карамагындагы хезмәткә түләү, керем һәм халыкның яшәү дәрәҗәсе буенча координация советы катнашында Татарстан предприятияләрендә хезмәт хакы бурычлары кайтарыла. Татарстан Республикасының ике предприятиесендә хезмәт хакы буенча бурыч түләнде.
Шулай итеп, Әтнә муниципаль районының «Дусым» ҖЧҖ 118 хезмәткәр алдындагы гомуми 1 332,417 мең сумлык бурычын түләде.
Шулай ук Бөгелмә предприятиесендә бурыч түләнде. «Бөгелмә-медиа» МУП 13 хезмәткәргә 413,639 мең сум түләде.