Биектау районында яшүсмерләр һөнәрләр дөньясы белән таныша

Укучыларны киләчәк һөнәр сайлауга әзерләү максатыннан 16 апрельдә Биектау районының «Өмет» халыкка социаль хезмәт күрсәтү комплекслы үзәге психологы «Һөнәр алу юллары» дигән төркемле дәрес үткәрде. Анда 14 балигъ булмаган бала катнашты.

Чара 1 нче социаль участокта, 2 нче урта гомуми белем бирү мәктәбендә узды. Яшүсмерләр хезмәт һәм эшчәнлек предметларының тәкъдим ителгән вариантларын карадылар һәм киләчәк һөнәрне эзләү юнәлешен төгәлләү өчен үзләре өчен иң кызыклыларын билгеләделәр. Аннары диагностика этабында төрле типтагы һөнәрләргә омтылышларын, шәхесләренең һөнәри юнәлешен билгеләделәр.

Чара «Киләчәктә яхшы эшне ничек сайларга?» тренингы белән тәмамланды.