«Яңарыш» үзәгендә хезмәтне саклау буенча чаралар узды
Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә хезмәтне саклау айлыгы кысаларында имгәнүләрне кисәтүгә, хезмәтне саклау проблемасына игътибар җәлеп итүгә юнәлдерелгән чаралар циклы узды. Чаралар учреждение хезмәткәрләрен һәм тәрбияләнүчеләрен колачлады.
Балалар белән тормыш иминлеге мәсьәләләре буенча дәресләр һәм әңгәмәләр, «Иминлек әлифбасы» уен программасы үткәрелде. Үзәк хезмәткәрләре территорияләрне һәм корылмаларны төзекләндерү буенча өмәләрдә катнаштылар, беренче табибка кадәр ярдәм күрсәтү һәм күнекмә янгын эвакуациясе буенча практик дәресләрдә катнаштылар.
Мондый чаралар учреждениедәге куркынычсызлык проблемаларына игътибарны җәлеп итә, хезмәткәрләрнең җитештерү куркынычлары һәм саклану ысуллары турында хәбәрдарлыгын арттыра.