Министрлык карамагындагы учреждениеләрдә "Язгы мәрхәмәт атнасы" кысаларында чаралар уза

Министрлык карамагындагы учреждениеләрдә "Язгы мәрхәмәт атнасы"# ИГЕЛЕКЛЕ ТАТАРСТАН” кысаларында чаралар уза.

Зәй муниципаль районының  “Шатлык” халыкка социаль хезмәт күрсәтү комплекслы үзәгендә исәптә торучы, авыр тормыш хәлендә калган, социаль яклауга мохтаҗ һәм имин булмаган гаиләләрдә тәрбияләнүче балалар да әлеге игелекле гамәлдән читтә калмадылар. Кичә алар шәһәр халкына “Георгий тасмалары” тараттылар һәм Бөек Ватан сугышы ветераннары яшәгән йортларга барып үз куллары белән ясаган котлау открыткалары тапшырдылар. Кечкенә генә бүләк булса да, ветераннарның мондый игътибарга  күңелләре булды. Алар үз чиратында балаларга имин еллар, бәхетле киләчәк теләп озатып калдылар.     

 Арчаның "Исток надежды" тернәкләндерү үзәге карамагындагы балаларны "Балыкчы авылы" күңел ачу комплексына экскурсиягә алып барганнар. Әлки  районы "Забота" үзәгендә "Георгий тасмасы" дигән акция уздырылган. Үзәк хезмәткәрләре тыл хезмәтчәннренең өйләренә барып, аларга тасмалар өләшкәннәр.
Тыл хезмәтчәннәре янына хәл белешергә Апасның "Забота" үзәге белгечләре дә барган. Яшел Үзәннең "Родник" үзәге хезмәткәрләре исә шулай ук "Георгий тасмасы" дигән акция уздырганнар. Шундый ук акция Буаның өлкәннәр һәм инвалидлар өчен интернат-йортында да булган. Биредә яшәүче ветераннарга Георгий тасмаларын Буаның ветеринар техникумы, медицина училищесы, социаль мәгариф академиясе филиалы студентлары тапшырган.
Түбән Каманың "Балкыш" социаль приюты балалары исә үз куллары белән ветераннарга открыткалар ясаганнар.
Лаеш тернәкләндерү үзәгендә "Татарстанның шагыйрьләре һәм язучылары" дигән китап күргәзмәсе оештырылган.
Кукмараның "Милосердие" тернәкләндерү үзәге социаль педагогы исә биредә тернәкләнү узучы балаларны Кукмараның туган якны өйрәнү музеена алып барган.
"Язгы мәрхәмәт атнасы" акциясе кысаларында чара Менделеевскиның "Өмет яры" үзәгендә дә оештырылган. Биредә тернәкләнү узучы инвалидлар һәм өлкәннәрне туган якны өйрәнү музеена "Сугыш чоры балалары" дигән түгәрәк өстәлгә алып килгәннәр.
 Тукай районы "Шәфкать" үзәге белгечләре исә Князев авылы җирлегендә волонтерлар белән бергә "Георгий тасмасы" дигән акция уздырганнар.