Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Түбән Каманың "Веста" үзәгендә бәйрәм чарасы узды

2015 елның 10 июле, җомга

Шушы көннәрдә Гаилә мәхәббәт һәм тугрылык көне уңаеннан Түбән Каманың “Веста” гаилә һәм балаларга социаль хезмәт күрсәтү үзәге белегечләре “Бәхетле гаилә” дип аталаган чара уздырды.

Әлеге бәйрәм “Мин нинди чәчәк?” дигән уеннан башланып китте, биредә әниләр балаларны тәрбияләү серләре белән уртаклаштылар. Шулай ук белгечләр презентация карауны да оештырдылар.

Чара ахырында балалар һәм аларның әти-әниләре спорт уеннарында катнашты. Истәлеккә катнашучыларга ромашка чәчәге белән бизәлгән беләзекләр өләштеләр.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2024 ел

Казанда «Без балаларыбыз өчен җаваплы» форумы узачак

23–24 майда Казанда IV «Без балаларыбыз өчен җаваплы» психик тайпылышлы балаларга стационар социаль хезмәт күрсәтүне гамәлгә ашыручы оешма җитәкчеләренең форумы узачак.

Татарстанның Хезмәт министрлыгы гражданнарны эшкә урнаштыру мәсьәләсе буенча Кыргыз Республикасы белән хезмәттәшлек урнаштыра

Казанда «Россия – Ислам дөньясы: KazanForum 2024» XV халыкара икътисадый форумы уза. Бүген форум кысаларында онлайн форматта Кыргызстан Республикасы Хезмәт, социаль тәэмин итү һәм миграция министрлыгы каршындагы Чит илләрдә гражданнарны эшкә урнаштыру үзәге һәм Татарстан Республикасы Хезмәт, халыкны эш белән тәэмин итү һәм социаль яклау министрлыгы арасында хезмәттәшлек турында килешү имзаланды. Документ якларның уртак проектлар өчен хезмәттәшлеген, тәҗрибә уртаклашуын һәм чит илләрдә эшкә урнашырга омтылучы гражданнар өчен уңай шартлар булдыруны күздә тота.

Лаеш тернәкләндерү үзәге «Абилимпикс» чемпионатында уңышлы чыгыш ясады

Лаеш мөмкинлекләре чикле балалар һәм яшүсмерләр өчен тернәкләндерү үзәгенең 15 тәрбияләнүчесе «Абилимпикс» чемпионаты компетенцияләрендә үз мөмкинлекләрен тикшерде. 2024 елда тернәкләндерү үзәге белгечләре профильле колледжлар педагоглары белән берлектә инвалид яшүсмерләрне 8 компетенциядә әзерләде.

«Өмет чаткысы» үзәгенең яшь артистлары балалар театр студияләре фестивалендә 2 урынны яуладылар

15 майда «АК БАРС СОЗИДАНИЕ» Хәйрия фонды оештырган сәламәтлек мөмкинлекләре чикле балалар өчен «Театр — All Inclusive» VII Республика балалар театр студияләре фестиваленә йомгак ясалды.

ЯҢАЛЫКЛАРГА ЯЗЫЛУ