«Ветеран» үзәге тернәкләнүчеләрен борынгы технология буенча уенчыклар ясарга өйрәттеләр

2024 елның 17 апреле, чәршәмбе

Әлмәт шәһәренең «Ветеран» инвалидларны тернәкләндерү үзәгенең иҗади остаханәсендә борынгы технология буенча мамык уенчыклар ясау буенча мастер-класс узды. Чараны социаль адаптация буенча белгеч үткәрде.

Мондый мамык уенчыклар кайчандыр Советлар Союзында йортларны бизәгәннәр. Эш, беренче карашка, гади кебек тоела – клей, мамык һәм крахмал гына кирәк. Әмма бик күп нечкәлекләр һәм катлаулыклар бар. Бу хакта белгеч мастер-класста катнашучыларга сөйләде.

Социаль хезмәт алучылар бу катлаулы, ләкин мавыктыргыч уенчык ясау техникасын үзләштерделәр. Моннан тыш, бу чара аларны балачак хатирәләренә чумдырды.