Әлмәттә вакансияләр ярминкәсе узачак

2018 елның 20 июле, җомга

2018нче елның  27 июлендә иртәнге сәгать тугызда Әлмәтнең халыкны эш белән тәэмин итү үзәге барлык теләүчеләр, шул исәптән инвалидлар өчен  вакансияләр ярминкәсе үткәрә.

Ярминкәгә килүчеләр: мәшгульлек үзәгендә булган  вакансияләр банкы белән таныша алачак. Эш бирүчеләр белән очрашып әңгәмәдә катнашырга, эшкә урнашу турында килешү төзергә, үзеңнең һөнәри юнәлешеңне белү өчен психолог-профконсультант тест үтәргә мөмкин булачак.

Сезне түбәндәге адрес буенча көтәбез: Герцен урамы, 86 А йорты

Белешмәләр өчен телефон 32-34-95.