ТАТАРСТАН РЕСПУБЛИКАСЫ ХЕЗМӘТ, ХАЛЫКНЫ ЭШ БЕЛӘН ТӘЭМИН ИТҮ

ҺӘМ СОЦИАЛЬ ЯКЛАУ МИНИСТРЛЫГЫ

ПРЕСС-РЕЛИЗ

Заводның хезмәт династияләре

Дары заводының 235 еллык юлы үзен заводка багышлаган легендар эшчеләрнең язмыш тарихларына бай. Күп дистә еллар дәвамында заводның куәте һәм кадрлар потенциалының нигезе булып эшчеләр династиясе тора. Дары заводы үзенең хезмәт династияләре белән дан тота – бу үзләрен заводка, һөнәрләренә багышлаган, күп еллар дәвамында республика һәм ил файдасына хезмәт куйган кешеләр.

Россиядә Гаилә елында хезмәткә намуслы мөнәсәбәт, һөнәргә тугрылык, гаиләдә һөнәри традицияләрне тапшыру кебек мөһим кыйммәтләрне пропагандалау аеруча актуаль. Болар барысы да хезмәт кешесенә ярдәм итәргә, гаиләне ил файдасына хезмәт итәргә омтылуда берләштерергә, яшьләрне үз гаиләләренең һәм Татарстан Республикасының данлы хезмәт традицияләрен дәвам итүгә җәлеп итәргә тиеш.

Чара кысаларында Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова Казан дәүләт казна дары заводының хезмәт династияләре вәкилләрен бүләкләячәк.

1. Гордеевлар–Саниннар–Зайцевлар– Нәбиуллиннар–Назаркиннар–Гармаш

Династиянең гомуми хезмәт стажы – 475 ел.

Династиягә нигез салучы Гордеев Семен Степанович заводта 1936 елдан 1942 елда фронтка чакырылганчы эшли. Ул Бөек Ватан сугышында һәлак була.

Мария Семеновна Санина (Гордеева) да әти-әнисе эзләреннән китә. Ул заводта Бөек Ватан сугышы елларында эшли. Мария Семеновна – тыл хезмәтчәне.

Заводта шулай ук Мария Семеновнаның балалары, оныклары, туганнары – 25тән артык кеше эшләгән. Мәсәлән, Мария Санинаның (Гордееваның) оныгы Дмитрий Михайлович Зайцев 20 елдан артык 7 нче цехта җылылык автоматикасы һәм үлчәүләр цехы начальнигы булып эшли.

2. Салиховлар– Низамиевлар–Шиһаповлар–Хакимуллиннар

Гомуми хезмәт стажы – 455 ел.

Династиягә Равил Закир улы Салихов нигез салган. Ул 1927 елның 1 июлендә туган. Заводка килгәнче 7 ел Совет Армиясе сафларында хезмәт итә. Равил Закирович Бөек Ватан сугышында катнашучы. 1944 елның ноябреннән 1946 елның апреленә кадәр 379-нчы укчы полкында пулеметчы була. 1946 елның апреленнән 1948 елның гыйнварына кадәр Совет Армиясендә серле часть эшләре мөдире вазифасында хезмәт итүен дәвам итә.

Заводта тыл хезмәтчәннәре эшли, сугыштан соңгы елларда заводны күтәрәләр.

Династияне 18 кеше тәшкил итә, аларның һәрберсенең стажы 40 елдан артык.

Айрат Юныс улы Низамиев программа тәэминаты кулланучыларына техник ярдәм бюросы начальнигы. Заводта 27 елдан артык эшли. Айрат Юнысович җитәкчелек куйган бурычларны намус белән үти, завод коллективына программалаштыру мәсьәләләре буенча карарлар кабул итәргә ярдәм итә.

3. Глебовлар–Киян–Артамоновлар

Гомуми хезмәт стажы 330 елдан артык.

Династиягә нигез салучы – Иван Михайлович Глебов, 1884 елда туган.

Династиянең барлык әгъзалары заводта «Россиягә хезмәт» девизы астында эшлиләр.

Лариса Николаевна Киян да династияне дәвам итүче булып тора. Аның стажы 65 ел. Заводта эшен 1956 елда, 22 нче цехта башлый. Лариса Николаевна смена остасы, технолог, идеология буенча партия комитеты сәркатибе, махсус-технологик режим буенча генераль директор урынбасары булып эшли. 20 елдан артык Хәрби һәм хезмәт даны музее директоры һәм Ветераннар советы рәисе була.

Шулай ук династиядә Борис Александрович Артамонов, ул күтәрү корылмаларын эксплуатацияләгәндә җитештерү контролен гамәлгә ашыру буенча әйдәп баручы белгеч. Аның хезмәт стажы 30 елдан артык.

DOCX, 33.8 Кб